ՍԱՐՔԱՎՈՐՈՒՄՆԵՐ

Ընդհանուր առմամբ, գործարանի համար ձեռք է բերվել 7,8 միլիոն դոլար արժողությամբ արտասահմանյան սարքավորումներ:

Ձեռք բերված սարքավորումների տեղադրումն իրականացվել է «Adidas», «Desma», «Schoen», «Lemo», «Pfaff», «Bayer», «Elastogran», «Stelk» և այլ ընկերությունների ներկայացուցիչների ներկայությամբ` Եղվարդի ֆաբրիկայի  և Adidas ընկերության մասնագետների  անմիջական ղեկավարության ներքո:

Սկսած 1987 թվականից մինչև 1991 թվականը գործարանը հաջողությամբ համագործակցել է Adidas ընկերության հետ, բոլոր հարցերում մենք համակարգված ստացել ենք անհրաժեշտ տեխնիկական փաստաթղթեր, տեխնիկական և կառուցողական աջակցություն արտադրանքի կազմակերպման հարցում՝ լիցենզիոն պայմանագրի շրջանակներում:

Լիցենզիոն պայմանագրի հիման վրա մեր մասնագետները վերապատրաստման նպատակով բազմիցս այցելել են Adidas (լիցենիզատոր) ֆիրմայի Ավստրիայում և Գերմանիայում գործող տարբեր ձեռնարկություններ:

Գործարանի ընդհանուր զբաղեցրած տարածքը կազմում է 37000 քմ, այդ թվում մեկ հարկանի արդյունաբերական շենքեր` 5000 քմ, 2000 քմ պահեստային տարածքներ, օժանդակ և վարչական տարածքներ` 1500 քմ, ինչպես նաև 1000 քմ մակերեսով երկու անավարտ շինություններ: